ملتقى الجزائريين forum algerian
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى جزائري لتبادل المعارف و الثقافات بين الجزائريين شامل لكل مناحي الجزائر و الدول العربية الاخرى
 
الرئيسيةأحدث الصورالتسجيلدخولتسجيل دخول الاعضاء
من أجل تطوير و تحسين المنتدى للأفضل و من أجل تحقيق هدف المنتدى و جعل هدا المنتدى أكبر ملتقى للجزائريين قررت الادارة و ضع عرض لكل الأعضاء و هو اضافة 20 نقطة لكل عضو يحضر عضوا اخر . فاغتنمو الفرصة و قوموا باحضار أكبر عدد من الأعضاء و اشهاره ليكون منتدانا أكبر ملتقى للجزائريين ...... وشكرا مع تحيات ادارة المنتدى
تقوم ادارة المنتدى بوضع عرض حصري لكل الاعضاء و صالح لغاية 01/01/2011 كل عضو يرغب في الاشراف على قسم ما ان يتصل بالادارة و يجب توفر 50مساهمة او موضوع و الدخول الشبه دائم للمنتدى ( على الأقل مرة في الأسبوع ) لدلك اغتنمو الفرصة ....تحيات الادارة
أحلى بوقالات لأحلى أعضااء  Support

 

 أحلى بوقالات لأحلى أعضااء

اذهب الى الأسفل 
كاتب الموضوعرسالة
خدااوج.19600
عريف
عريف
خدااوج.19600


الجنس : انثى الابراج : الجوزاء عدد المساهمات : 41
نقاط : 49887
السٌّمعَة : 5
تاريخ الميلاد : 25/05/1993
تاريخ التسجيل : 03/07/2010
العمر : 30
العمل/الترفيه العمل/الترفيه : etudiante
المزاج : tréeee biien hmd

أحلى بوقالات لأحلى أعضااء  Empty
مُساهمةموضوع: أحلى بوقالات لأحلى أعضااء    أحلى بوقالات لأحلى أعضااء  Emptyالسبت يوليو 24, 2010 9:51 pm


بسم الله الرحمن الرحيم


البوقالـــات

كل واحد يدخل يختار واحدة

ان شاء الله تكون فال خير عليه

باسم الله بديت ..و على النبي صليت ...وعلى أصحاب الأسماء ألي تبدأ بالألف هذى البوقالة نويت...
نطلب ربي الفتاح يعطيني نحل البيبان و نشوف الهناء و نرتاح .

**

باسم الله بديت ..و على النبي صليت ...وعلى أصحاب الأسماء ألي تبدأ الباء هذى البوقالة نويت...

هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.

**

باسم الله بديت ..و على النبي صليت ...وعلى أصحاب الأسماء ألي تبدأ بالتاء هذى البوقالة نويت...

لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى.
**
باسم الله بديت ..و على النبي صليت ...وعلى أصحاب الأسماء ألي تبدأ بالثاء هذى البوقالة نويت...

طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .

**
باسم الله بديت ..و على النبي صليت ...وعلى أصحاب الأسماء ألي تبدأ بالجيم هذى البوقالة نويت...



رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.

**


باسم الله بديت ..و على النبي صليت ...وعلى أصحاب الأسماء ألي تبدأ بالحاء هذى البوقالة نويت...



مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .
**

باسم الله بديت ..و على النبي صليت ...وعلى أصحاب الأسماء ألي تبدأ بالخاء هذى البوقالة نويت..


يما يما ديريلي تويقة في وسط الحديقة باش نشوف زهرى كي تجيبو ذيك الوريقة.
**

باسم الله بديت ..و على النبي صليت ...وعلى أصحاب الأسماء ألي تبدأ بالدّال هذى البوقالة نويت..


ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .

**

باسم الله بديت ..و على النبي صليت ...وعلى أصحاب الأسماء ألي تبدأ بالراء هذى البوقالة نويت...



عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.

**

باسم الله بديت ..و على النبي صليت ...وعلى أصحاب الأسماء ألي تبدأ بالزّاي هذى البوقالة نويت...

الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.
**



باسم الله بديت ..و على النبي صليت ...وعلى أصحاب الأسماء ألي تبدأ بالسين هذى البوقالة نويت...


خرجت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبـــــابك أحلى بوقالات لأحلى أعضااء  596226 أحبــــابك أحبـــأبك و صحابك و يفرحوا معاك الجماعة .


**
باسم الله بديت ..و على النبي صليت ...وعلى أصحاب الأسماء ألي تبدأ بالشين هذى البوقالة نويت...



الناس تنده بالرجال و الوالي ، وانا ننده بربي العالي .

**
باسم الله بديت ..و على النبي صليت ...وعلى أصحاب الأسماء ألي تبدأ بالصاد هذى البوقالة نويت...

حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.
و حكمتكم : صداقة الجاهل تعب .

**
باسم الله بديت ..و على النبي صليت ...وعلى أصحاب الأسماء ألي تبدأ بالضاد هذى البوقالة نويت...
كلام على كلام و الكلام على سقيلة ، العين في العين و الدّعوة مقبولة.


**
باسم الله بديت ..و على النبي صليت ...وعلى أصحاب الأسماء ألي تبدأ بالطاء هذى البوقالة نويت...
يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .
**
باسم الله بديت ..و على النبي صليت ...وعلى أصحاب الأسماء ألي تبدأ بالظاء هذى البوقالة نويت...



محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .
**
باسم الله بديت ..و على النبي صليت ...وعلى أصحاب الأسماء ألي تبدأ بالعين هذى البوقالة نويت...


لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَى يكلمني .
**

باسم الله بديت ..و على النبي صليت ...وعلى أصحاب الأسماء ألي تبدأ بالغين هذى البوقالة نويت...

قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.
**

باسم الله بديت ..و على النبي صليت ...وعلى أصحاب الأسماء ألي تبدأ بالفاء هذى البوقالة نويت...


جزت على جنية ، قالت لي واش تحوسي يا ولية ، قلت لها مانى نحوّس لا على مال ولا على جاه ، نحوس على من ضيّعت قولي لي .
**

باسم الله بديت ..و على النبي صليت ...وعلى أصحاب الأسماء ألي تبدأ بالقاف هذى البوقالة نويت...



جايز على باب دارنا ، لابس تلمساني ، قتلو يا شيخ بالاك تنساني ، قاللها والله ما ننساك ، ونصيبك على ربي جاه و سلطاني.
**

باسم الله بديت ..و على النبي صليت ...وعلى أصحاب الأسماء ألي تبدأ بالكاف هذى البوقالة نويت...



امّنت بالله ، و المنام رؤية من عند الله ، حمامة بيضا جات ترفرف عليّ ، معاها حصان توقّف بين يديّ .
**
باسم الله بديت ..و على النبي صليت ...وعلى أصحاب الأسماء ألي تبدأ باللام هذى البوقالة نويت...


نبعث لكم دموعى في مشوار ازرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق.

**

باسم الله بديت ..و على النبي صليت ...وعلى أصحاب الأسماء ألي تبدأ بالميم هذى البوقالة نويت...


سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .

**

باسم الله بديت ..و على النبي صليت ...وعلى أصحاب الأسماء ألي تبدأ بالنون هذى البوقالة نويت...


خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .

**

باسم الله بديت ..و على النبي صليت ...وعلى أصحاب الأسماء ألي تبدأ بالهاء هذى البوقالة نويت...

خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة.
**

باسم الله بديت ..و على النبي صليت ...وعلى أصحاب الأسماء ألي تبدأ بالواو هذى البوقالة نويت...

دارنا في الجبل ، مقابلة مكة ، مفتاحها من ذهب ، يشعل ما يطفي

أن شاء الله تعجبكم اللي يدخل يكتبلنا واش قالواا فالو
أحلى بوقالات لأحلى أعضااء  55641


الرجوع الى أعلى الصفحة اذهب الى الأسفل
 
أحلى بوقالات لأحلى أعضااء
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقى الجزائريين forum algerian :: منتدى الأسرة والمجتمع :: قسم المرأة الجزائرية-
انتقل الى: